夏日智能UV比堅尼　唔怕曬傷！

跟「夏天」最襯嘅 keyword，小記認為係「Bikini」，其次就係「比堅尼」喇！女孩想穿比堅尼，男孩想睇女孩穿比堅尼，多好！

法國 Bikini 品牌 Spinali Design 最近推出智能比堅尼，唔係要幫你計步、測卡路里，而係加設 UV 感測器，配合專用 App，在沙灘曬太陽時就可以避免曬過時，俾紫外光曬傷。

▲ 相片來源：Spinali Design fb

不少女孩穿 Bikini，都想曬得一身古銅膚色，但如果曬過時，又或者防曬工夫做唔足，好易曬傷。

Spinali Design 就設計出呢件智能 Bikini，另外還有專用 App。美女（著得 Bikini 就假設、幻想佢係美女啦）穿起這件智能比堅尼後，可以在專用 App 設定想曬到幾黑，設定之後，手機 App 可以連接 Bikini 的 UV 感測器，睇到合適時間，就會提醒美女，係時候休息或再加噴防曬用品，又或者停止再曬。

▲ 相片來源：Youtube 影片截圖

不過，呢件智能比堅尼都唔平，賣成 US$170（即約 HK$1,322），不過就係法國 handmade！

除了這件比堅尼，廠方還有推出智能大毛巾，男士都可以用啦！小童版本的智能泳衣，則正在研發當中。

原文刊於ezone.hk